تبادل
لینک هوشمند
اطرور الگلب من فرگتک طر اصبحن یم طر لی
و حزنی علیک ابدم حمر مثل المطر یمطر لی
لابارک الله ابفجر هجرک ولک یمطر لی
طرّک غصب منّی و صبح مر العمر مأساوی
ابگه اودهم من گلب هل من گلب ودونی
ابگه الوم طبع الغبر والبی قرض ودونی
لهل الشیم یهل الشیم یله ابعجل ودونی
ذوله الی البات الهم قصر راید دلیلی وهاوی
سافر و لا شفته و مشه و ياليت الي بستانه
و بستان ونساتي انحرم من شم ورد بستانه
مره اذكر ابطول العمر يوم طفل بستانه
و تفاح چن خده و الذ وترف من الگيگاوي
ابگه اودهم من کل گلب هل من گلب ودونی
ابگه الوم طبع الغبر والبی قرض ودونی
لهل الشیم یهل الشیم یلا ابعجل ودونی
ذوله الی بات الهم قصر راید دلیلی وهاوی
من زود همنه من الوکت کون الوسع مالمنه
بس للشماته مایفل هوه الصبح مالمنه
مایوم لمنه اعله الشمل واعله العذل مالمنه
لمنه عله الچنه گبل بینه اعتقد غیراوی
من هجرک الـمر یابــدر بیدر قــهر بیـدرنه
و دولاب تهــلاتک بشد حسره والم بیدرنه
محـّـاربحــر امحبـّتـک گلــنه انـذخـر بیـدرنه
بس للاسف لادُر حوی ولاچنّ الک حب غاوی
منــّـک ولــک من محنتک من ویعتک کلمالی
یامن الک دوم ارخصت کل ماردت کلمالی
ویــّـاک لوضـلـّـت بعدیلـّی ابـعـدت کلمالی
خلـّـینی اگلـّک هم علی تندم وکت یل غاوی
هلن علیهم دم دمع لو تنعمن یجفونی
احبابی وردتهم من زغر ماصدگت یجفونی
من سیل دمعی صب مزن شتروفن یجفونی
دمعی الارض ضاگت اله والماروه اصبح راوی
گلبي الوصالك من زغر يا من تفر يتمنه
و امراض گلبي المن زغر بيك انجبر يتمنه
ساعات بعدك و النّبي من اول بعد يتمنه
يمته يحن گلبك علي و غدي الوصالك حاوي
ابفگد البطل ياسر بالف قيد الحزن ياسرنه
و نحزن الفگده و چذب بعده الوكت ياسرنه
يبگه رمز عزه و شرف بين الامم ياسرنه
و نبراس غيره و مفخره الكل حر صبح غيراوي
لفظک یمعسول الفظ من کل مرض صحنـه
قـله من احلوگ المـثّل حلگگ عدل صحـنه
حظنه انسعد من خل نفل مثلک یخل صحنه
نعم الخیل انتـه ونعم بسمک یل غبیشاوی
إلنفل من صاحب نفل موش الصحب خلدونی
الگال من اموت بشیمتی وطیبی العلن خلدونی
ابگی بحمید أهل الشیم طول العمرخلدونی
تحچی وتلوم اهل الغرض ذوله العگلهم خاوی
یهوای هل لامن علی حگهن لون لامنّی
ماغزّرابعینک ولک لاطیب الی لامنّی
ماامّل الرّوح ابوصل غیرک چنت لامنّی
کل ذات مالک بینّت ذاتک اخس من واوی
روحی الإلک شابت عشگ لیش اصبحت منتلها
و چنت آنه اعذلها ابحقد عنّک وکت منتلها
تل صرت اتلّن للنفس حتّه اعیزت منتلها
وهیس گرب موتی وخسرعندک یلسمرداوی
ویل اصرخت یومٍ سرت وهیس عبت منویلی
والفرگتک ماظن عجب گلبی الثقب منویلی
یهوای یکفی البی طحت شکثربعدمنویلی
گلبک فلایملک رحم عودک علیّه اشناوی؟
ابوذية:
مایوم بـــــــــــوصــل فتنه وفتنه
وهواها النه انجعــل فتنه وفتنه
الوصل فتنه الهــوی فتنه وفتنه
فتنه ولا تبیح ابوصـــــــل هیه
ضعاین عز مجدنا ابوحل برکان
و حمم تهلی اشد من حمم برکان
اذا یمکن اشکّن یوم برکان
الصلا اشک برجوع المجد لیه
اخوک الما ایهملک تشم همله
فرض واجب علیک انفرض همله
دمعی الما یبطل وکت همله
عله الما شرعیت بیه الحمیه
مش مش مش دمش مش دمش مشفای
ابشفاک وخل تشوف اشفاک مشفای
الشفت لشفای اشهد موش مشفای
شفت من مش شفاک اشفای هیه
ابد مانخضع ال ذله ولنذل
او للذل مانذل یخسه ولنذل
نذل یبقا القبل ذله ولنذل
یضل مذلول حد نزع المنیه
حیاتی ابعشرت احبابی شملهه
عسه ماشتت الباری شملهه
من شمام ریحتهم شملهه
من اشمهه اسم المرض مایضل بیه
من اخوک الشر طبیعی الیوم لویاک
وبعد یکثر من الاخوان لویاک
الیئاذیک ویخل بلگلب لویاک
البعید اهون واخف محنه واذیه
اجیتک معتنی ودمعی بدینی
غاسی وریتک تقرلی بدینی
ابشرعی ابمذهبی ابربی بدینی
احبنک اشمالک تشک بیه
ابکمالک بات متکامل کمالی
ایود الخیر الک گلبی کمالی
دخل اتصیر امالک کمالی
دخل اسعد بیک وانته انسعد بیه.
منک یل عشگتگ شفتک انه
واظل ابامل وصلک شفتک انه
ابحلم تمشی ویغیری شفتک انه
گمت والنار علگت صدگ بيه
ماصد عن طریق المجد مارد
وصبح لچلای عن الیرد مارد
لا ماارید اظل استمر مارد
کل جد ما گطع لل مجد فیه
شخص الزین وسفه الوکت چنه
وجعـل شین الزلم جیدوم چنه
گـلایـد جید مجـد الـدهر چنـه
وریـاحیـن العـلا الفاحت حمیه
الوکت روحی ابغرامک ماهنلها
ولیالی الونس امسن ماهنلها
السگم روحی ابغیابک ماهنلها
غدا وحتماً یجیب الحتف لیّه
انعت بت من دلیلی وبعد ینعت
الک یل ورده الک بل حسن ینعت
حکیمی الظل دوا الکل مرض ینعت
عیز ینعت دوا العلتی الخفیه
انولینه ابطول هجره ونسبینه
وچذب تبگی ابغیابه ونسبینه
الناهی اشلون انسه ونسبینه
وبینه انشب مرض صفنات بیه
بحبال الأسی اهتزی وموری
الأسی الو سـرا بعسری ومـوری
علیـّه اختلفت اوضاعی ومـوری
صفـت تجری ابعکس ماردت لیـه
ابعطفــک گلت ترحمنی ونبلاک
موش ابسهم اتشکنی ونبـلاک
مـــا حس حی انه بعـدک ونبـلاک
میـت وبـس شکل فوگ الوطیـه
الهضم ماگربت جدمی والگراب
وعلیه صبّن غضب سیفی والگراب
اشما منّی ابترو گومی والگراب
أضل واگف ولو بس نفس بیه
الریجی المرصبح بجفاک حلي
اوشوف الشرمحنتي ویاک حلّي
چنت حلّک یقاسي وچنت حلّي
شبابک بگه وبان الشیب بیّه
حبیــبي اشملطفه اشمحلا شبهه
جــفه او نار القضــــا بحشــای شـبهه
ذاک الــــراح لاکن هـــاذ شـبهه
امن اشـوفن هـــاذ ذاک ایعــن علیه
الميمر:
روحی من الاحباب اشکثر راحلها
و إخلافهم لا تـعتـقد راحـلها
تصفگ بگـــت دوم بقهر راحلها
والهم بگـــت طول العمر تتحسّر
ماراح گلبی وداعتک ماسرّه
الما کتم سرّه وللأبد ماسرّه
یل تنشد العز وسئلت ماسرّه
سرّه اعمل الزین اشکثر ماتگدر
یاصاح گلبی امن الالم مالمنی
والفضا ابوسعه امن الألم مالمنی
ابهمّی الذی بی مر الم مالمنی
بل لامنی الهسّه الآلم بی مامر
شبنی اشأشّید ما بعد شیّبـــنی
فالشیدته من التـــــــعب شیّبنی
ماشال من حملی الوگع شیّبنی
ولاخل فزعلـی ولا اخو الظل ینغر
بهمومنه الهمّ الخلگ عادلنه
والآه صار ابهل عمرعادلنه
لیش العلیه النه فضل عادلنه
حتّی الاخو منّا ابتعد وتنفّر
روحی من الاحباب اشکثرماتلها
و من القهر تلّ النفس ماتلها
روحی احلفت عنهم ابد ماتلها
و الطیبهم طول العمر تتذّکر
یالیل گلبی المابطل یالیله
ویّاچ ماثمّر ابد یالیله
گلیّلی یایوم الوصل یالیله؟
لفرش طریجچ ورد یوری وعنبر
بیکم درینه امن الگلب ودّیتو
وافضال قدّمتوا اشکثر ودّیتو
اجمل هدیّه التنذکر ودّیتو
ولکم نظل طول العمرنتشکّر
ریج الشهم مرّالعسر مامرّه
مرّه اخو البالعسر مامرّه
مامرّه ذمّیّت الشهم مامرّه
ذمّیّت اخو البالضیج ابدماینغر
یامن صرت معنی العشگ منتهله
منّک تهل گلبی وضجت منتهله
للعاشگ اشیبگی انشدک منتهله
عشگه وبگی ابلیل السهریتحسّر
ما ودهم المو من گلب ودوني
وترک امعاشرت الغبر ودوني
لهل الشیّم یهل الشّیم ودوني
ذول الیحگلي اتباهه بیهم وفخـّـر
بدروب مذمومه الفعل ماسرنه
والما وعا وفکّر عدل ماسرنه
یاصاح لاتسئل بعد ماسرنه
سرنه انکشف للبي یود یتبصّر
العتاب:
گلت للیعت گلبی لاتعتبه
وکاس الذل چفیته لاتعتبه
الذل عوفه یگلبی لاتعتبه
الذل میّت ولایسوه العتاب
الهضم هبّط من اهل المجدهامات
وهاحی صرت اصیح المجدهامات
علی رجال البعدبالهیم هامات
الدنیا ما بعد تسوه العتاب
یگلبی المایبّطل وکت تهلاک
اخافن من تهیلک هاذ تهلاک
مهوانته البس ظعن للتودتهلاک
ولنته البس تودهم غدو غیاب
شنخیط بعد من فتـوگ شنشـل
وشنرفع بعـــد من حمول شنشــل
للشلو لنه بکل وصـل شنشـل
علی الله حسابهـم یـوم الحساب
هـلی من اهـل الحسب والنسب عدهم
هلی جــود وشجاعه وفهــــم عدهم
هلی مارکع الهــم ضیم وعـدهــم
هـلی یدوسـون عایلهـم بلتـراب
الهات:
الگلب یوم جفاک یدعج وجـّـلـه
ولیت اله الحادی تمهـّل وجـّـله
من صله غیرک الگلبی وجـّـله
ومن دعه جفونی بدمع دم سایلات
عودیااغلی الحبایب عودلی
ولاتظن عگبک یوّنس عودلی
ردت سلوه اتصیروتظل عودلی
بس علی غیروک یاوسفه الوشاة
من یهل گلبی ابغرامک لوعله
وماالومه اعلیک تهله لوعله
ترف احلف مااعوفک لوعله
گص رگبتی وبلّحد اصبح رفاة
من حمس غیرک الچبدی منجله؟
ومنهو حش روض ارتیاحی منجله
گلبی منّک بات یطلب منجله
یبوعیون العلی سلمن ناعسات
جرحي يحبابي جفاكم عمّلا
و گلبي مثل التتن حبكم عمّلا
عود امل و انسي هواكم عمّلا
شلون امل و انسي الذ طعم الحياة
صرت الی منّک وظنّن حگلّی
یل بعدماشوف یمّک حگلّی
مابگت للصبرعگبک حگلّی
وظلّت الآهات بیّه موجّرات
قسم بلّی الدین والحگ بسمته
علی ریع الروح عنّت بسمته
واعدیمریوم وقسم بسمته
وصارن وعوده الدلیلی مجرحّات
یل علی بسهام هجرک ولمّیت
جرّحت لچلای صدّگ ولمّیت
حی بعدنی ارجوک دسئل ولمّیت
حی ولکن ما اشم طعم الحیاة
صبح من منهل غرامک منهلی
وباتت الآهات لجلک منهلی
بعدشتأمّل یلشهل منهلی
من هلی الچیلات بیّه امسرّات
ریت تدری الروح حبّک خلهلی
روح والآهات عگبک خلهلی
خل هلی ایلومون خلهم خلهلی
انته روحی ودونک آنه ابلا حیاة
یخل ماظن صارمثلی خللّلک
ولا اظنّن یوم مشیی خلّللک
بعدک ابلا صوچ عنّی خلّللک
الک یل دومک عشت بحلی الصفاة
یل جمالک فکرکل حی حیرّه
غیری الک مارید بالحی حیرّه
یاترف ریت الیکرهک حیرّه
بسع تلدغه وباللّحد یصبح رفاة
یل عدت لتعود لیتک لاعدت
واعدت متعود لکن لاعدت
لاعدت ذاک العرفتک لاعدت
انته التضمد جروحي النازفات
الدارمي:
ماصدگّت یهوای تهنه ابغیابی
وآنه ابغیابک دوم زاید عذابی
منّک من الشیطان من هل افراگ؟
گلبی ابهواک احتاروالفرگتک ضاگ
شخص الغبر والشین لوبوی انافیه
موبس عداوه یوم للموت اعادیه
الموال:
یوم النفاه انجمع من خلتي مایلي
وبساعة الضیج من عدهم احدمایلي
حملني دهري من الأخوان الغدرمایلي
ضیم او عذاب اوقهر وآلام کثروهم
والچنت اظن بی وفي ظني طلعلي وهم
ضلیت بآخررمق وانچان عزّم وهم
یشفج علیه لو یحن و یجیب مای لي
موش آنه بالباع خلّه ابذل ولوبیشری
خلّی اهوه عینی ولومنّی انفگدبیشری
مای الیبیع الاخوعیب اشربه بیشری
وتگصّدالمای کل صاحب وفه ونهله
خلّ الوفی اتلوگ کل زینات اله ونهله
دونک اخوالزین ونتک یاگلب ونهله
لوغاب والشین طاح من النظر بیشری
نظرات شما عزیزان:
تحية للجميع شعر المهداوي الذي ابدعه مهدي ملا فاضل السكراني يتكون من اربعة اشطر علی بحر الرجز مثمن محذوف { مستفعلن – مستفعلن – مستفعلن – مستفعل } و لكن حينما نستمع لمهداوي ملا فاضل السكراني له تفعيله زائدة بمعني إنه يتكون من { مستفعلن – مستفعلن – مستفعلن - مستفعلن – مستفعل } بحر رجز معشر محذوف ارجو الإنتباه كما درسنا إن البحور العروضية هي تكون { مربع – مسدس و مثمن } فملا فاضل بكل قدرة كسر القاعدة العروضية و اضاف له المعشر اليكم مثال من مهداوي
++مهدي السكراني++
بوسام کل شاعرفطـن هذا الشعر وسمیته
وبخیرکل وسمی النزل یسگی الأرض وسمیته
خلّدته بسمی و دونّت إسمه بثقه وسمیته
ولیسألک عن هل الشعر جاوب یخی مهداوی
++ملا فاضل السكراني++
سیف الکبر ینزر بعد میفیده لمسن یا سعد ونسنه
بفراش مرضه من نطرح عافنه غزلان المرح ونسنه
گالن گبل چان ابثمر لیل السمر ونسنــــه
وهســـه التوه عزمه وخوه وشیفید الا صبح خاوی
و شكرا لكم جميعا
ضياء خضير كاظم
